237. ആരാധിച്ചിടാം ആത്മനാഥനെ
ആരാധിച്ചിടാം ആത്മനാഥനെ
ആയുസ്സിന്‍ നാളെല്ലാം നന്ദിയോടെ
ഇത്രമാത്രം എന്നെ സ്നേഹിച്ചിടുന്നോരു
രക്ഷകന്‍ ഇല്ല ഇക്ഷിതിയില്‍ (2)
1 സിംഹക്കുഴിയോ, ചെങ്കടല്‍ ചൂളയോ
എന്തു വന്നീടിലും ഭാരമില്ല
എന്നെ വിളിച്ചവന്‍ എന്‍കൂടെയുണ്ടെന്നും
എന്നെ നടത്തിടും അന്ത്യം വരെ-
2 എന്തു ഞാന്‍ തന്നിടും എന്‍കര്‍ത്താ നിനക്കായ്
എന്നെ ഞാന്‍ തന്നിടുന്നു നിന്‍കരത്തില്‍
എടുക്ക എന്നെ നീ നിന്‍ഹിതം പോലെന്നും
നടത്തിടേണമെ യേശുനാഥാ-
3 ആയിരം ആയിരം ദേവന്മാരേക്കാള്‍
എത്രയോ ഉന്നതന്‍ എന്‍റെ യേശു
അവനൊപ്പം പറയുവാന്‍ അവനെപ്പോല്‍ ആരുമേ
ഇല്ലെനിക്കെന്നുടെ ജീവിതത്തില്‍-
4 നാളുകള്‍ ഓരോന്നായ് തീര്‍ന്നൊരു നാളില്‍
നാഥനരികില്‍ ഞാന്‍ അണഞ്ഞിടുമ്പോള്‍
ഓടിവരും എന്നെ മാറോടണച്ചിടും
എന്‍ കണ്ണുനീരെല്ലാം തുടച്ചിടും താന്‍- S.K.B
Download pdf