42. സ്തോത്രമേശുവേ സ്തോത്രമേശുവേ
സ്തോത്രമേശുവേ സ്തോത്രമേശുവേ
നിന്നെമാത്രം നന്ദിയോടെയെന്നും വാഴ്ത്തിപ്പാടും ഞാന്‍
1 ദാസനാമെന്‍റെ നാശമകറ്റാന്‍ - നര
വേഷമായവതരിച്ച ദൈവജാതനേ
2 പാപത്തിന്നുടെ ശാപശിക്ഷയാം -ദൈവ
കോപത്തീയില്‍ വെന്തരിഞ്ഞ ജീവനാഥനെ
3 ശത്രുവാമെന്നെ നിന്‍പുത്രനാക്കുവാന്‍-എന്നില്‍
ചേര്‍ത്ത നിന്‍കൃപയ്ക്കനന്ത സ്തോത്രമേശുവേ
4 ആര്‍ത്തികള്‍ തീര്‍ത്ത കരുണാസമുദ്രമേ! നിന്നെ
സ്തോത്രം ചെയ്വാനെന്നെയെന്നും പാത്രമാക്കുക
5 ജീവനാഥനേ ദേവനന്ദനാ-നിന്‍റെ
ജീവനെന്നില്‍ തന്നതിന്നായ് സ്തോത്രമേശുവേ
6 നാശലോകത്തില്‍ ദാസനാമെന്നെ-സത്
പ്രകാശമായ് നടത്തിടേണമേശുനാഥനേ
Download pdf