149. സ്തോത്രമെന്നേശുപരാ നിന്‍
രീതി: യേശുമഹേശനെ ഞാന്‍
സ്തോത്രമെന്നേശുപരാ നിന്‍ നാമത്തെ
മാത്രം പുകഴ്ത്തുന്നു ഞാന്‍
1 ആര്‍ത്തികള്‍ തീര്‍ത്തെന്നെ ചേര്‍ത്തിടുവാനായി
പാര്‍ത്തലം തന്നില്‍ വന്ന കര്‍ത്താവിനെ
മാത്രം പുകഴ്ത്തുന്നു ഞാന്‍-
2 ജീവനെ നീയെനിക്കായ് വെടിഞ്ഞെന്നുടെ
ജീവനെ വീണ്ടതിനെ നിനച്ചു നിന്‍
നാമം പുകഴ്ത്തുന്നു ഞാന്‍-
3 പാവന ലോകെയെന്‍ ജീവനെയും കൊണ്ടു
രാപ്പകല്‍ വാണിടുന്ന സര്‍വ്വേശാ!
നിന്‍ നാമം പുകഴ്ത്തുന്നു ഞാന്‍-
4 ജീവനെ നീയെന്നില്‍ രാപ്പകല്‍ നല്‍കി നിന്‍
ആവിയില്‍ കാത്തിടുന്ന കൃപാലോ
നിന്‍ നാമം പുകഴ്ത്തുന്നു ഞാന്‍-
5 താതസുതാത്മന-നാരതവും സ്തുതി
നീതിയിന്‍ സൂര്യനേ നീ പ്രകാശമായ്
വാണിടുന്നെന്നിലതാല്‍-
Download pdf