Lyrics : J.J.സ്തുതിപ്പിന് സ്തുതിപ്പിന് യേശുദേവനെ
ഹല്ലേലുയ്യാ പാടി സ്തുതിപ്പിന് സ്തുതിപ്പിന് യേശുദേവനെ
സ്തുതിപ്പിന് ലോകത്തിന് പാപത്തെ നീക്കുവാ
നധിപനായ് വന്ന ദൈവകുഞ്ഞാടിനെ
1 കരുണ നിറഞ്ഞ കണ്ണുള്ളോനവന് തന് ജനത്തിന് കരച്ചില്
കരളലിഞ്ഞു കേള്ക്കും കാതുള്ളോന് ലോകപാപച്ചുമടിനെ
ശിരസ്സുകൊണ്ടു ചുമന്നൊഴിപ്പതിന്നു കുരിശെടുത്തു
ഗോല്ഗോത്താവില് പോയോനെ-
2 വഴിയും സത്യവും ജീവനുമിവനേ അവന്നരികില് വരുവിന്
വഴിയുമാശ്വാസമേകുമേയവന് പാപച്ചുമടൊഴിച്ചവന്
മഴയും മഞ്ഞും പെയ്യുമ്പോലുള്ളില് കൃപ പൊഴിയുമേ
മേഘത്തൂണില്നിന്നു പാടി
3 മരിച്ചവരില് നിന്നാദ്യം ജനിച്ചവന് ഭൂമിരാജാക്കന്മാരെ
ഭരിച്ചു വാഴുമേകനായകന് നമ്മെ സ്നേഹിച്ചവന് തിരു-
ച്ചോരയില് കഴുകി നമ്മെയെല്ലാം ശുദ്ധീകരിച്ച
വിശ്വസ്തസാക്ഷിയെ നിനച്ചു
4 കാലുകളുലയില് കാച്ചിപ്പഴുപ്പിച്ച നല്ല പിച്ചളയ്ക്കൊത്തതും
ചേലൊടു മുഖഭാവമാദിത്യന് ശക്തിയോടു പ്രകാശിക്കും
പോലെയും തലമുടി ധവളപഞ്ഞിപോലെയുമിരിക്കുന്ന
ദൈവകുഞ്ഞാടിനെ
5 വലിയ ദൈവദൂതന്റെ ശബ്ദവും ദേവകാഹളവും തന്റെ
വിളിയോടിടകലര്ന്നു മുഴങ്ങവേ വാനലോകത്തില് നിന്നേശു
ജ്വലിക്കുമഗ്നിമേഘത്തില് വെളിപ്പെടും കലങ്ങും
ദുഷ്ടര് തന്മക്കളാനന്ദിക്കും
6 മന്നവമന്നനാകുന്ന മശിഹായയെ, മഹാസേനയില് കര്ത്തനെ
മണ്ണു വിണ്ണും പടച്ചവനെ മനുവേലെ,
മനുനന്ദനനെ, പരനന്ദനനെ-മരിനന്ദനനെ, രാജനന്ദനനെ
നിങ്ങള് നന്ദിയോടു പാടി
7 ഹല്ലേലുയ്യാ പാടി സ്തുതിപ്പിനേശുവേ യേശുനാമത്തിനു ജയം
അല്ലലെല്ലാമവനകലെ കളയുമേ യേശുരാജാവിന്നോശന്ന
നല്ലവനാം യേശുരാജന് വരും സര്വ്വ വല്ലഭാ
യേശുവേ വേഗം വരേണമേ-
![](images/PDF.gif)
Download pdf