Lyrics : G.P.1 സ്തുതിപ്പിന് സ്തുതിപ്പിന് അനുദിനം സ്തുതിപ്പിന്
യേശുദേവനെ സ്തുതിച്ചിടുവിന്
സര്വ്വവല്ലഭനാമവനുന്നതനാം
നമ്മെ വീണ്ടെടുത്തോനവനാം
ആ.... ആനന്ദമായ് സ്തുതി പാടിടുവിന്
ജീവനാഥനെ പുകഴ്ത്തിടുവിന്
സത്യദൈവമവന് നിത്യജീവനവന്
സ്വര്ഗ്ഗവാതിലും വഴിയുമവന്
2 തിരുക്കരതലത്തില് നമ്മെ വരച്ചുവല്ലോ
പരനാദിയില് മുന്നറിവില്
ഒരു നാളുമതാലവന് തള്ളിടുമോ
നമ്മെ പേര്ചൊല്ലി വിളിച്ചുവല്ലോ
3 ഒരു ജനനി തന് കുഞ്ഞിനെ മറന്നിടിലും
അവന് മറക്കുകില്ലൊരിക്കലുമേ
സ്വന്തജീവനെയും തന്നു സ്നേഹിച്ചവന്
നമ്മെ കാത്തിടുമന്ത്യം വരെ-
4 ക്ഷാമം പെരുകിടിലും ഭൂമി കുലുങ്ങിടിലും
ജനം ആകുലരായിടിലും
ദൈവപൈതങ്ങള് നാം തെല്ലും ഭയന്നിടുമോ
തുണ വല്ലഭനേശുവല്ലോ-
5 മേഘവാഹനത്തില് സ്വര്ഗ്ഗദൂതരുമായ്
മദ്ധ്യവാനിലവന് വരും നാള്
തിരുസന്നിധിയില് നമ്മെ ചേര്ത്തണയ്ക്കും
സര്വ്വതുമ്പവും പരിഹരിക്കും.-
![](images/PDF.gif)
Download pdf