62. സ്തുതിപ്പിനെന്നാളും ശ്രീയേശുവെ
രീതി: ഉയിര്‍ത്തെഴുന്താരെ
സ്തുതിപ്പിനെന്നാളും ശ്രീയേശുവെ സ്തുതിപ്പിനെന്നാളും
കുരിശില്‍ ജീവന്‍ തന്നു നമ്മെ വീണ്ടെടുത്തോനെ
1 ലംഘനം ക്ഷമിച്ചവന്‍ താന്‍ പാശബന്ധനമഴിച്ചവന്‍ താന്‍
സന്താപം തീര്‍ത്തെന്നില്‍ തന്‍ സ്തുതിസ്തോത്രം
സന്തതം പാടുവാന്‍ തന്നവന്‍ താന്‍-
2 ഉള്ളത്തെ കവര്‍ന്നവന്‍ താന്‍-പെരും
വെള്ളത്തില്‍ നടന്നവന്‍ താന്‍
കാറ്റും വന്‍തിരകളുമടക്കിയ ദേവന്‍
മുറ്റും സങ്കേതമായ് നമുക്കുള്ളവന്‍-
3 കല്ലറ തുറന്നവന്‍ താന്‍-കൊടും
വൈരിയെ വെന്നവന്‍ താന്‍
വിണ്ണില്‍ പിതാവിന്‍ സന്നിധി തന്നില്‍
വാഴും പ്രധാനപുരോഹിതന്‍ താന്‍
4 മഹിമയണിഞ്ഞവന്‍ താന്‍-സര്‍വ്വ
മാനവരക്ഷകന്‍ താന്‍
തന്‍തിരു പാദത്തിലാശ്രയിച്ചുള്ളോര്‍-
ക്കേവര്‍ക്കുമാനന്ദ വല്ലഭന്‍ താന്‍-
Download pdf