സ്തുതിച്ചുപാടാം മഹിമനവനെ
മഹത്വപൂര്ണ്ണനാം ത്രിയേക നാഥനെ
1 രക്ഷയുടെ പ്രത്യാശയുമണിഞ്ഞ്
രക്ഷകനേശുവിന് നാമവും ധരിച്ച്
ആത്മവരങ്ങളാലലംകൃതരായി നാം
ആത്മനാഥനെ പാടി സ്തുതിക്കാം
2 നന്ദി നിറഞ്ഞവരായവന് ചെയ്തതാം
നന്മകളോരോന്നായ് ഓര്ത്തു നിരന്തരം
ആദിപിതാക്കന്മാരാരാധിച്ചതുപോല്
മോദമോടാത്മാവില് പാടിസ്തുതിക്കാം
3 രക്ഷകനായ് പരിപാലകനായാത്മ-
ദായകനായ് സൗഖ്യമേകും യഹോവയായ്
നിത്യവും നമ്മെ വഴി നടത്തിടുന്ന
സ്തുത്യനാം യാഹിനെ പാടിസ്തുതിക്കാം.
4 സ്വര്ഗ്ഗസന്തോഷത്തിന്നുറവയില് നിന്നും
നിത്യവും പാനം ചെയ്താനന്ദിപ്പതിന്നായ്
അവന് നമ്മിലും നാമവനിലുമായതാം
നിസ്തുല ബന്ധത്തിന്നായി സ്തുതിക്കാം-
![](images/PDF.gif)
Download pdf