221. ആരാധനാസമയം അത്യന്ത
1 ആരാധനാസമയം അത്യന്ത ഭക്തിമയം
ആരാലും വന്ദ്യനാം ക്രിസ്തുവെയോര്‍ക്കുകില്‍
തീരുമെന്നാമയം
ശക്തി ധനം സ്തുതി സ്തോത്രം ബഹുമതി
സകലവും ക്രിസ്തേശുവിന്നു ജയം ഹല്ലേലുയ്യാ-
2 അക്കാല്‍വറി മലയില്‍ കൊടുംപാപിയെന്‍ നിലയില്‍
കുരിശില്‍ മരിച്ചു പാപച്ചുമടു വഹിച്ചു താന്‍ തലയില്‍
3 സന്തോഷശോഭനം മൂന്നാം മഹത്ദിനം
സര്‍വ്വവല്ലഭനുയിര്‍ത്തു ഭക്തരേ പാടുവിന്‍ കീര്‍ത്തനം
4 പിതാവിന്‍ സന്നിധി തന്നില്‍ പ്രതിനിധി
സദാ നമുക്കു ശ്രീയേശുവുണ്ടാകയാലില്ല ശിക്ഷാവിധി-
5 സ്വര്‍ഗ്ഗീയതേജസ്സില്‍ മേലില്‍ വിഹായസ്സില്‍
വന്നു നമുക്കവന്‍ നല്‍കും പ്രതിഫലം ദൂതഗണസദസ്സില്‍-
6 ജയം ജയം ജയം ഹല്ലേലുയ്യാ ജയമേ
ജയകിരീടമണിയും ക്രിസ്തുരാജനു ഹാ! ജയമേ-
Download pdf