Lyrics : M.E.C.സ്തുതിച്ചിടുവതെന്താനന്ദം! യേശുദേവനെ
സ്തുതിച്ചിടുവതെന്താനന്ദം! ശ്രീയേശുദേവനെ
സ്തുതിച്ചിടുവതെന്താനന്ദം!
1 മോദമോടെ നാമേവരും തിരുപ്പാദം തന്നിലത്യാദരം
വീണു വന്ദനം ചെയ്തുകൊണ്ടു
സന്തോഷ സംഗീതം ചേര്ന്നുപാടി
2 കാടുകേറിയൊരാടുപോലെ ഞാനാടലോടുഴന്നീടവേ
തേടിവന്നെനിക്കെന്നുമാശ്രയം നേടി മാറിലണച്ച ദേവനെ-
3 ആയിരം പതിനായിരങ്ങളിലാരിലുമതിസുന്ദരന്
ആയിടുമഖിലാണ്ഡനായകനാശ്രിതേശ്വരനേശു ദേവനെ-
4 പെരിയ ഖേദവും പീഡനങ്ങളും പെരുകി വന്നിടും വേളയില്
തിരുച്ചിറകതിന്നുള്ളിലാശ്രയമരുളി രക്ഷതരുന്ന ദേവനെ-
5 ലോകജാതികളെങ്ങുമേവരുമാകെയാകുലരെങ്കിലും
ആശ്രിതര്ക്കമിതാര്ത്തിതീര്ത്തിടുമാര്ത്ത
നാഥനാമേശു ദേവനെ- M.E.C
![](images/PDF.gif)
Download pdf