17. സ്തുതി ചെയ് മനമേ നിത്യവും നിന്‍
സ്തുതി ചെയ് മനമേ നിത്യവും നിന്‍ ജീവനാഥനേശുവേ
ഇതുപോല്‍ സ്വജീവന്‍ തന്നൊരാത്മ സ്നേഹിതന്‍ വേറാരിനി?
1 മരണാധികാരിയായിരുന്ന ഘോരനാം പിശാചിനെ
മരണത്തിനാലെ നീക്കി മൃത്യു ഭീതി തീര്‍ത്ത നാഥനെ -
2 ബഹുമാന്യനാമാചാര്യനായി വാനിലവന്‍ വാഴ്കയാല്‍
ബലഹീനതയില്‍ കൈവിടാതെ ചേര്‍ത്തുകൊള്ളുമാകയാല്‍ -
3 ദിനവും മനമേ തല്‍സമയം വന്‍ കൃപകള്‍ പ്രാപിപ്പാന്‍
അതിധൈര്യമായ് കൃപാസനത്തിന്നന്തികത്തില്‍ ചെന്നു നീ -
4 ബഹുദൂതരുച്ച നാദമോടെ വാഴ്ത്തിടുന്ന നാഥനെ
ബലവും ധനവും ജ്ഞാനമെല്ലാം സ്വീകരിപ്പാന്‍ യോഗ്യനെ -
Download pdf