183. സുതിക്കു നീ യോഗ്യന്‍ സ്തുതികളിന്മീതെ
രീതി: ഇതുവരെ എന്നെ കരുതിയ
സുതിക്കു നീ യോഗ്യന്‍ സ്തുതികളിന്മീതെ
വസിച്ചിടും പരനേ യേശു മഹേശാ
1 അവനിയിലമിതം മോദമായ് വസിപ്പാ-
നരുളണമേ നിന്‍കൃപകളപാരം
പരമസൗഭാഗ്യം പാപികള്‍ക്കേകാന്‍
പുതുവഴി തുറന്ന സ്നേഹസ്വരൂപ!-
2 നരകുലപാപച്ചുമടു നീ വഹിച്ചു
കുരിശില്‍ കരേറി പ്രാണനെ വെടിഞ്ഞു
പരിശുദ്ധനേ തിരുപ്പാദാന്തികത്തില്‍
പരിചൊടു സ്തുതിപ്പാന്‍ കൃപയരുളേണം-
3 തവതിരുനാമം ജയിക്കട്ടെ മേന്മേല്‍
സ്തോത്രയാഗങ്ങള്‍ സമര്‍പ്പിക്കുന്നടിയന്‍
തിരുക്കരം തന്നില്‍ വഹിച്ചനുദിനവും
നടത്തുക ദാസനെ നിന്‍ ഹിതംപോലെ
4 അജഗണത്തെ നല്ലിടയനെപ്പോലെ
ദിനം പ്രതി നടത്തും സ്നേഹമപാരം
ഹരിതപുല്‍മാലിയില്‍ വിശ്രമമേകും
സ്വച്ഛജലാശയം തന്നില്‍ നീ നടത്തും-
5 മരണത്തിന്‍ താഴ്വര തന്നില്‍ നടന്നാല്‍
പ്രീതിയോടിടയന്‍ സാന്ത്വനമേകും
സഹവസിച്ചിടും നീ അനിശവും സ്നേഹ-
തൃക്കരം തന്നില്‍ വഹിക്കും നല്ലിടയന്‍
6 പരമസമ്പന്നന്‍ ദരിദ്രനായ് തീര്‍ന്നു
ദരിദ്രജനാവലി സമ്പന്നരാകാന്‍
ധരിത്രിയില്‍ പാപത്തില്‍ മരിച്ചവര്‍ ജീവന്‍
ധരിച്ചു ക്രിസ്തേശുവിന്‍ ദാസരായ് ഭവിച്ചു-
Download pdf