1121. ആയുസ്സെന്തുള്ളു? നമുക്കി
ആയുസ്സെന്തുള്ളു? നമുക്കിങ്ങായുസ്സുന്തുള്ളു?
1 ശോകമൂലഗാത്രം പല രോഗബീജങ്ങള്‍ക്കു പാത്രം-ഇതില്‍
ജീവന്‍ നില്‍പൊരു സൂത്രം നിനച്ചീടുകിലെത്രയോ ചിത്രം!
2 നാലു വിരലതിന്‍ നീളം കഥപോലെ കഴിയുമീ മേളം-ഉടല്‍
ദീനതയാണ്ടൊരുനാളം അണുജീവികള്‍ പാര്‍ക്കുവാന്‍ മാളം-
3 നാടകത്തിന്‍ നടന്‍പോലെ മരുവിടുമീ മാനുജര്‍ ചാലേ-നിജ
വേഷമൊഴിഞ്ഞിടും മേലേമൃതി വേഗമണയുന്ന കാലേ-
4 ഭാര്യമക്കള്‍ക്കന്തുനേട്ടം ധനവീര്യമൊടുക്കുവാന്‍ നാട്ടം-കൈയി-
ലുള്ള കാലത്തു കൊണ്ടാട്ടം പണമില്ലാതെയാകുമ്പൊഴോട്ടം-
5 ബന്ധുമിത്രങ്ങളാല്‍ പൊന്തുവതേനന്ത കാലത്തവര്‍ നൊന്തു-മനം
വെന്തിഹ കണ്ണുനീര്‍ ചിന്തുമതിനന്തരമില്ലിതിലെന്ത്?-
6 ഇന്നു ഭരിച്ചിടും രാജ്യം നാളെയേന്തിടും കൈകളില്‍ ഭോജ്യം-ഇര
ന്നീടുവാന്‍ പാത്രമന്നാജ്യം കണികാണ്മാനുമില്ലതി ശോച്യം-
7 മാളികമുകളില്‍ കാണാമരശേറിയിരിപ്പോരെയീ നാള-വര്‍
നാളെ വെറും നിലത്താണു കിടന്നിടുവതെത്രയും കേണു- K.V.S.
Download pdf