197. സ്നേഹനിധേ! കൃപാസമുദ്രമേ! നമസ്കാരം
‘Lead kindly light’
1 സ്നേഹനിധേ! കൃപാസമുദ്രമേ! നമസ്കാരം
ക്രൂശിതനാം ദേവാട്ടിന്‍കുട്ടിയേ! സദാ സ്തോത്രം
സര്‍വ്വ മഹത്ത്വത്തിന്നും സര്‍വ്വദാ
പ്രഭോ! നീ യോഗ്യന്‍ പൂജ്യന്‍ സര്‍വ്വഥാ
2 സ്വര്‍ഗ്ഗീയമാം മഹാസദസ്സില്‍ നീ സമാരാധ്യന്‍
ഭൂമിയിലും ലക്ഷോലക്ഷങ്ങളില്‍ സര്‍വോത്കൃഷ്ടന്‍
സച്ചിന്മയന്‍, സത്യപ്രഭാകരന്‍,
സഭാകാന്തന്‍, സര്‍വാംഗസുന്ദരന്‍
3 ഭൂവാനങ്ങള്‍ സൃഷ്ടിച്ചു മുന്നമേ നിന്‍ ശബ്ദത്താല്‍
മാനവരിന്‍ രക്ഷ സാധിച്ചതോ സ്വരക്തത്താല്‍
സ്നേഹമിതെന്നും ആശ്ചര്യപ്രദം
പ്രാണേശാ! ചുംബിക്കുന്നു തൃപ്പദം
4 വര്‍ണ്യമല്ലേതും മര്‍ത്യനാവിനാല്‍ നിന്‍ കാരുണ്യം
കാല്‍വറിയില്‍ തികച്ച ദൈവനീതിയെന്‍ പുണ്യം
കീര്‍ത്തിക്കും നിന്നെയെന്നും നിന്‍ജനം
ത്രീയേക ദൈവത്തിന്നു വന്ദനം
Download pdf